انا دكتور حب ودي حلقة جديدة ليا <br />انهارده عايز اتكلم معاك سبب المشاكل <br />اغلب المشاكل بتكون عبارة عن سوء تواصل <br />بمعني انك مش عارف تعبر عن اللي جواك بشكل يستوعبه شريكك فبتطلعه بعصبية وأحيانا بتعبيرات اللي قدامك بيتجرح منها <br />افتكر مرة جالي اتنين متخانقين بسبب مشكلة هي تبان كبيرة جدا لكن لما قعدت مع كل واحد منهم لوحده واتكلمنا اكتشفت ان المشكلة كبرت بسبب ان محدش فيهم فاهم مشاعر التاني تجاه الموقف <br />وده كان حل المشكلة نفسها ان كل حد منهم يتكلم عن مشاعره وميحكيش عن تصرفات التاني في الموقف <br />ولما عملوا كده بقت الدنيا اهدي واحسن بينهم <br />وافتكر مرة كان في مشكلة بيني وبين انسانة كنا في علاقة سوا اني شايف انها مبتحترمنيش وانها بتتصرف من غير ما تتعامل اني موجود اصلا <br />ولما هديت شفت اني كان في أمور مضيقاني من حياتي بعيد عنها خالص وطلعت طاقة الغضب اللي جوايا فيها هي وطبعا كان الحل اني يكون عندي الشجاعه واعتذر وافهمها ان الموقف نفسه مكنش هو ازمتي لكن انا كنت متضايق وتعبان من أمور في شغلي ولما اتكلمنا كان وقت غلط وساعتها انا طلعت كل غضبي في وشها <br />وبعد ما حكينا رجعنا ذي طفلين بيتصالحوا <br />المشكلة في الغالب بيكون سببها سوء اختيار من الشخص للوقت اللي يتكلم فيه وأسلوب غلط يعبر بيه وانتقاد شديد بيوجهه للطرف التاني بدل ما يتكلم عن احساسه هو في الموقف <br />ودايما الأمور بتكبر لما حد يتدخل وكمان بسبب العند والمكابرة <br />قبل ما اقفل عايز اقولك مش عيب انك تتكلم عن مشاعرك اي كانت ايه وتعبر عن اللي خرجك عن شعورك لشريك حياتك حتي ولو تقول انا مضايق ومش عارف ليه وده اللي خلاني عصبي<br />#رمضان_يجمعنا #شهر_الفرحه #بودكاست #حب #علاقات #جواز #لايك #لايك_اشتراك<br />...<br /><a href="https://www.youtube.com/watch?v=VxZeUdNBZHo" target="_blank" rel="nofollow">https://www.youtube.com/watch?v=VxZeUdNBZHo</a>