انا دكتور حب ودي حلقة جديدة ليا <br />انهارده عايز اتكلم معاك عن متكلميش رجالة غيري <br />انت اول ما اتعرفت عليها شفتها بتكلم ولاد مثلا وشفت تعاملها مع الولاد وحبيتها وهي كده <br />بعد شوية تتضايق انها بتكلم فلان وفلان وعايزها تقطع علاقتها بالناس كلها ومتكونش بتكلم حد غيرك <br />وطبعا هتقولي هي مش مسئلة عدم ثقة هي مسئلة غيرة <br />وهي هتقولك دول اخواتي واصحابي ومينفعش اقطع علاقتي بيهم <br />الخناقة تبداء بينكم وكل واحد يبداء يضغط علي التاني وفي الاغلب لو العلاقة منتهتش عند الخناقة دي ان البنت بتقبل تتعزل عن اصحابها <br />هو السؤال اللي عايز اقوله هو انت واثق انها مش هتسيبك علشان حد تاني وسؤال ليها هو انتي فاهمه حقيقة مشاعره اصلا تجاه الموضوع ده <br />الحقيقة ان حل الموضوع ده مش في ان حد يقولكم الصح والغلط ولا ان حد يضحي ويقبل يبعد عن الناس علشان التاني <br />بس لازم تحسسوا ببعض بقيمتكم في حياة بعض <br />الولد لما بيقولك كده هو مش خايف منك انتي ومش فكرة مش واثق في أخلاقك بس جواه خوف مش عارف يتعامل معاه تجاه انك بعد ما خدتي جزء من حياته كبير انك تسبيه فالحل انك كل شوية تطمنيه مش بس بكلمة بحبك لكن قوليله هو ايه المميز فيه <br />عارفة لو بعد كل موقف حصل اديتي نفسك دقيقة تفكري في مشاعرك اللي حسيتها تجاه وجوده معاكي في الموقف وقولتيله عليها هيطمن والمشكلة هتتحل <br />وبلاش تفكري انه الخوف والقلق ده متعلق بيكي واكيد صعب علي اي انسان انه يقول لحد بشكل مباشر انا خايف تسيبني <br />ولأن دي مشاعر مينفعش تردي عليها بأفكار <br />لازم يكون ردك عليها بمشاعر ذيها <br />فأنتي محتاجه انك تقوليله احساسك تجاه ومتقوليش ماهو عارف يعني انا لو كنت عايزة ارتبط بحد غيره ما دول اعرفهم قبله <br />هو مش بيتكلم معاكي بمخه هو بيحكي معاكي بمشاعر ومحاولاتك ل اقناعه مش كفاية علشان تحتوي مشاعره <br />واه ياستي هو حابب علي فكرة انك تكوني اجتماعيه وناجحه وماتسمعيش كلام صاحبتك اللي بتقولك الرجالة كلها عايزين يتحكموا في الست <br />الراجل مش عايز غير يطمن وبس <br />وبالنسبة للراجل حاول في وقت ماتكون مشاعرك هي اللي متحكمه فيك انك تتكلم بطريقة اهدي بلاش اسلوب الأوامر والتحكم <br />حاول انك توصل ليها احساسك بالغيرة مش غضبك وبس <br />وعايز اقولك قبل ما اقفل هو اختارك ذي ما انتي فهو حابب اللي بتعمليه بس خايف تروحي منه<br />...<br /><a href="https://www.youtube.com/watch?v=DF8jm0glAoE" target="_blank" rel="nofollow">https://www.youtube.com/watch?v=DF8jm0glAoE</a>