kaise baat karein ye kahin sikhaya jaaye ?<br /><br />Hum pata nahi khud ko kya samajhte hain<br />Haar baat me apne aap ko Sikandar saabit karna chahte hain...<br /><br />Nahi to..!!!<br />Duniya me zyadatar apni zimmedariyon me lage hain<br />Jaise taise apna aaj aur kal sawwarne me jute hain<br /><br />Phir hum jaise bhi hain jo iske bawajood seedhe munh do baat nahi karte hain<br />Haan,Mizaaj theek ho to kabhi-kabhi puchkaar lete hain<br /><br />Bachchon se zyadatar log pyaar karte hain<br />Par wohi bache jab bade ho jayen to humari nazar me insaan bhi nahi rehte hain<br /><br />Kya milta hain humein kisi ko dukh dekar<br />Iss baat par aksar gaur karte hain<br />Samajh to kuch aata nahi<br />Par phir bhi khud ko samjhane ki koshish karte hain...<br /><br />Ki dusron ko beizzat karne me ek khushi milti hai<br />Ek maza hai auron ko pareshan karne me<br />Kisi ka sukh chain cheenne me, ek jeet ki bhavna ka anand aata hai<br /><br />Tabhi to ye jaante hue ki agla kis pareshani se guzar rah hai<br />Hum usse zaleel karte hain,hairan karte hain<br /><br />Lekin kya ye itni badi maang hai ki kisi se bhi do pyaar ke shabd kaho ?<br />Gussa aaye to bhi ek Seema ko na paar karo ?<br /><br />Kyunki aapka bartav aapke liye baadshaahiyat ho sakta hai<br />Par uss agle liye dil me ched karne wale barood ka kaam bhi to kar sakta hai<br /><br />Kisi ne parfaya tha...<br />Prem se raho,sabse tareeke se baat karo<br />Yahi to reh jayega<br />Naa tumhara kuch le ke jayega na kuch de ke jayega<br />Saare hisaab iss duniya me pakke hain<br />Sirf bol hi aise hain jo yaad dilayega<br /><br />To kyun naa hum aise bol kahein jo kaan ko ache lage<br />Jo Mann ko pyaare lage<br />Samay baad bhi marham sa aaram de<br />Saalon beete bhi,muskurane ka bahana bane<br /><br />Par ye to uske mann ki ho gayi<br />Hona to wo hai jo school college me batlaya jayega<br />Insaniyat ke number kahaan milte hain<br />Jo ye padhaya jayega<br /><br />Phir kahaan jaa mai sikhun<br />Kaun batayega<br />Agale ki atma kaise aahat na ho<br />Ye kaun samjhayega<br /><br />Hai agar jawab to tum batla dena <br />Par tumne kisi ka dil na dukhaaya ho,pehle ye jaanch lena...<br /><br />Pehle ye janch lena...<br /><br />Footage Credits-<br /><br />Jack Morris<br />Ben Mikha<br />TaylorCutFilms<br />SeongBin Kang <br /><br />Apps Used-<br /><br />Adobe Rush<br />Cyberlink Power Director<br />Inshot<br />...<br /><a href="https://www.youtube.com/watch?v=3NJkLxsNOE8" target="_blank" rel="nofollow">https://www.youtube.com/watch?v=3NJkLxsNOE8</a>